រាជធានីភ្នំពេញ៖ នារសៀលថ្ងៃសុក្រ ១៤រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១១ ខែកញ្ញា ឆ្នាំ២០២៦ គម្រោងមធ្យមសិក្សាសម្រាប់ការប្រកួតប្រជែងមូលធនមនុស្ស (SE4HC) បានរៀបចំកិច្ចប្រជុំស្ដីពីវឌ្ឍនៈនៃការអនុវត្តការងារ ជាមួយធនាគារអភិវឌ្ឍន៍អាស៊ី (ADB) ក្រោមអធិបតីភាព លោកជំទាវបណ្ឌិត បូ ច័ន្ទគុលិកា អនុរដ្ឋលេខាធិការ នៃក្រសួងអប់រំ យុវជន និងកីឡា និងជាប្រធានគ្រប់គ្រងគម្រោង និងលោកស្រី Annika Lawrence ប្រធានប្រតិភូធនាគារអភិវឌ្ឍអាស៊ី (ADB) ដោយមានការអញ្ជើញចូលរួមពីមន្ត្រីជាន់ខ្ពស់ធនាគារអភិវឌ្ឍអាស៊ី ប្រធាន​ផ្នែក​បច្ចេកទេស មន្ត្រី​អនុវត្ត​គម្រោង និង​ទីប្រឹក្សា​បច្ចេកទេស​នៃ​គម្រោង SE4HC សរុបប្រមាណ ៣០នាក់ នៅបន្ទប់ប្រជុំគម្រោងជាន់ទី៦ នៃអគាររដ្ឋបាលថ្មីចៅពញាហុក និងតាមប្រព័ន្ធអនឡាញ។

កិច្ចប្រជុំនេះមានពិនិត្យវឌ្ឍនភាពការងារ និងដោះស្រាយបញ្ហាប្រឈមនានា ពាក់ព័ន្ធនឹង (១) កិច្ចការលទ្ធកម្មគម្រោងឆ្នាំ២០២៦និង២០២៧ (២)ផែនការសកម្មភាពនិងថវិកាឆ្នាំ២០២៧ (៣)ការអនុវត្តកម្មវិធីពន្លឿន (Fast-Track Program) មុខវិជ្ជាសេដ្ឋកិច្ចឌីជីថល និងគណិតវិទ្យាអនុវត្ត ដែលសហការជាមួយមហាវិទ្យាល័យសេដ្ឋកិច្ចឌីជីថល នៃសាកលវិទ្យាល័យជាតិគ្រប់គ្រង (NUM-DE) និង (៤)ការរៀបចំមជ្ឈមណ្ឌលទិន្នន័យអប់រំនៅវិទ្យាស្ថានបច្ចេកវិទ្យាកម្ពុជា ។

#SE4HC https://www.facebook.com/share/p/1DZWhVdCpa/